小一面試攻略︳校長親授答題貼士！熱門小一面試100題目大公開：個人/家庭生活/常識題

從來面試都是一場超乎想像的試煉，不能靠打天才波，各位家長，如果你的孩子現時就讀K2，又或六月很大機會需要叩門小一，以下為大家準備 100 題小一面試常見題目，由淺入深，家長可與小朋友早點練習對答、裝備好孩子，機會永遠是留給有準備的人。分別由全完堂幼稚園鄧雪堯校長、匯成勞士施羅孚伉儷慈善基金幼稚園暨幼兒園張蔚媛校長，一起提點家長們各部分須知。（*#為「全完堂幼稚園鄧雪堯校長、匯成勞士施羅孚伉儷慈善基金幼稚園暨幼兒園張蔚媛校長」建議作答方式，僅供參考。*校長親答 #叩門適用）

 

小一面試熱門問題︳個人題

 

1. 請問你叫甚麼名字？

*#我叫陳小明，大家喜歡叫我明明或小明。（由於一般會再問英文名，所以可說說自己的小名）

 

2. 你住哪一區？

*#藍田麗港城X期X座

 

3. 你有英文名嗎？點串呢？

 

4. 你今年幾歲呢？

 

5. 請講出父母的手提電話號碼。

 

 

熱門面試問題校長貼士：

鄧雪堯校長：「個人題需要準確說出相關資料，其中英文名必須懂得正確讀法及串法，至於居住哪一區不要只答區名，有必要教導孩子說出詳細地址，同樣地，父母的手提電話號碼都要正確，不要說其他家人或工人姐姐的手提電話號碼。」

 

​ 全完堂幼稚園鄧雪堯校長（圖片來源：受訪者提供） ​

 

小一面試熱門問題︳家庭生活題
 

小朋友童言無忌，平日的閒話家常或會當作「認真」，如面試時對方問及相關題目，或會不加思索回答，致笑料百出，就如問「爸爸媽媽做甚麼工作？」，如媽媽為家庭主婦，平時孩子見媽媽在家不外出，會答「媽媽响屋企無嘢做」，家長們都要留意這些小細節，以免引起尷尬。

 

小一面試熱門家庭生活題︰

 

6. 你屋企有邊個同你一齊住？

*#孩子說出工人姐姐甚至飼養的寵物都可以。
 

7. 你有冇兄弟姊妹？

*#有，一個哥哥或妹妹(依實情回答便可)/沒有，我是獨生兒，可以爸爸/媽媽有很多兄弟姊妹。

8. 你爸爸媽媽做乜嘢工作？

*#依實情回答便可，如媽媽是家庭主婦，勿說「媽媽響屋企冇嘢做」。

9. 平時邊個接你返學放學？

*#「工人姐姐」無問題，不妨詳細一點「坐校車返放學，工人姐姐會響校車站嗰度接我」或「因為爸爸媽媽返工，所以工人姐姐嚟學校接我」。


10. 平時放學後，你會同邊個一齊？

*#「工人姐姐，等爸爸媽媽返嚟一齊食晚飯」，也可依實情回答「爺爺、嫲嫲/公公、婆婆」。

 

11. 你最鍾意邊個屋企人？點解嘅？

*#告訴孩子題目是「家人」所以回答工人姐姐不太適合，家人除了父母，還有兄弟姊妹、爺爺、嫲嫲、公公及婆婆。

 

12. 邊個朝早叫你起身？

 

13. 你爸爸媽媽叫乜嘢名？

 

14. 邊個教你做功課？

 

15. 放咗學之後，邊個幫你檢查功課？

 

16. 邊個幫你喺手冊簽名？

 

17. 爸爸媽媽放工後會同你做啲乜嘢？

 

18. 放假時你會同爸爸媽媽去邊度？會做乜嘢？


熱門面試問題校長貼士：

張蔚媛校長：「透過這些題目，學校能了解孩子的日常生活，建議除了一些基本資料家長事前要告訴孩子，就讓他們自然表達。有些學校會讓家長與孩子一起面見，家長不要插嘴太多，記着你們只是supporting role，適時握一下孩子的手給予鼓勵已經很足夠。」

 

匯成勞士施羅孚伉儷慈善基金幼稚園暨幼兒園張蔚媛校長(圖片來源：受訪者提供） ​

 

小一面試熱門問題︳幼稚園題

 

19. 你讀哪一所幼稚園？

*#如：响中西區嘅XXX幼稚園；說出完整校名而不是坊間的一些稱謂，並說出所屬地區。

 

20. 你喜歡上哪一堂呢？為甚麼？

*#幼稚園是綜合課程，可回答「我鍾意聽故事」或「最鍾意同小朋友一齊畫畫」等。

 

21. 喜歡自己間幼稚園嗎？點解？

* 喜歡，因為老師教識我好多嘢，好似中文、英文、計數，仲識到朋友。

 

22. 你最喜歡哪本故事書？

* 如實回答，必要時還要準備一本英文書。

 

（圖片來源：資料圖片）

 

23. 你喜歡甚麼顏色？點解？

* 紅色，因為我喜歡太陽。

 

24. 你平日幾點返學、放學？

 

25. 放學後喜歡做甚麼？

 

26. 你喜歡玩甚麼玩具？

 

27. 你喜歡哪一套卡通片？

 

28. 你最喜歡吃甚麼？

 

（圖片來源：PhotoAC）

 

熱門面試問題校長貼士：

鄧雪堯校長：「記得不能只講答案，必須有簡單的解釋，也可按孩子能力而說得詳盡一點，但不是冗長，其中第21題其實想了解孩子是否ready to learn，家長可引導孩子講出在幼稚園學習的優點，而一些關於個人興趣如喜歡的卡通、食物等，通常孩子有很多喜好，所以教導他們回答兩樣就可以了。」

 

面試時是孩子面對小學老師，家長事前多給予鼓勵。（圖片來源：受訪者提供）

 

小一面試熱門問題︳常識題

別小看「常識題」，簡單一問：「小朋友今日坐甚麼交通工具前來？」也可以有無限答案，原來答：「私家車」非理想答案。而校方或會從「常識題」去了解孩子的日常自理程度，家長除了教導孩子如何作答，平時亦應灌溉孩子正確生活常識的理念。

 

（圖片來源：資料圖片）

 

呢度睇！➡️⏰最筍特價優惠💥⬅️呢度睇！

小一面試熱門常識題：
 

29. 你今日搭乜嘢交通工具嚟學校？

*港鐵、巴士、專線小巴等；公共交通工具比私家車為佳。

 

30. 過馬路時有乜嘢要注意？

 

31. 試講出港鐵站的名稱。

 

32. 食飯前要做乜嘢？

 

33. 去完廁所要點做？

 

34. 如果你覺得身體唔舒服，你會點做？

 

35. 你識唔識用平板電腦/手提電話？

 

36. 你會用平板電腦/手提電話嚟做乜嘢？

 

熱門面試問題校長貼士：

鄧雪堯校長：「關於交通工具，即使平日家長會自行駕駛，建議也要帶孩子乘坐公共交通工具到面試學校，表示孩子有生活經驗，也對日常有多方面認識。」

張蔚媛校長：「家長可透過圖書或繪本，於bed time的故事時間滲透給孩子，本身這些知識都是要適時教導孩子，就當是親子時光好了，毋須強調是為了面試。」

 

（圖片來源：受訪者提供）

 

小一面試熱門問題︳日常生活題
有些知識非書本上可學習得到，就如日常生活常識題。家長在平日可「潛移默化」教導孩子一些「常識」， 簡單如「紅色的士與綠色的士有甚麼分別？」、「一年有幾多個月？」，孩子也應該知道。

 

小一面試熱門問題日常生活題：


37. 港鐵車廂內，有乜嘢可以做，有乜嘢係唔可以做？

*#可以做︰增值、入閘、睇書；不能做︰嘈吵、飲食等。

38. 家禽同寵物有乜嘢分別？

*#家禽可以食用甚至生蛋，寵物是陪伴。


39. 超級市場與街市有乜分別？

*#超市地方大、乾淨；街市擺放冇咁整齊。

40. 有邊種交通工具只在港島區行駛？

41. 紅色的士同綠色的士有乜分別？

 

42. #香港機場喺邊度？

 

43. #試講出香港其中一條隧道名稱。

 

44. 過海要搭乜嘢交通工具？

45. #老師拿出玩具鐘，請小朋友讀出時鐘上的時間。

 

46. 一年有幾多個月？

 

47. 一個月有幾多日？

 

48. 一個星期有幾多日？

 

49. 一日有幾多小時？

 

50. 一小時有幾分鐘？

 

51. 一年有邊四季？

 

52. 每年中秋我哋會做乜嘢？

 

53. 聖誕節時我哋會點慶祝？

 

54. 農曆年時，有乜嘢特別慶祝節目？

 

55. 有乜嘢動物係喺水中生活？

 

56. 有乜嘢動物係食草？

 

呢度睇！➡️⏰倒數特價現貨區 - 買3件7折💥⬅️呢度睇！


熱門面試問題校長貼士：

陳嘉碧校長：「家長可以從生活日常延展成為知識，讓孩子對環境有好奇心，如跟其討論每天上學時沿途見到甚麼建築物、商店；假日去飲茶，點心紙亦是很好的學習工具，先認識蝦餃燒賣，再讓其自己剔點心，然後細看有幾多個字是『剔手邊』？ 這些都是生活化的學識延展。至於一些比較性問題如第37至39題，沒有特定答案，只是想藉此了解學生的個性，家長平日可多跟孩子討論如『電視機跟iPad分別』。

 

仁濟醫院羅陳楚思小學陳嘉碧校長（圖片來源：受訪者提供）
 

個人會欣賞學生特質、態度多於知識，無疑答到問題又態度好會是最fit的學生，但有些孩子屬思考型、比較怕羞，但只要態度誠懇，努力嘗試作答，一樣會得到機會，因為怕羞經培訓是可以改善，但驕傲囂張就令人不欣賞了。此外，如遇上不懂回答的問題，只要誠摯地跟老師表達『可以教番我嗎？』，又或『老師，我真係唔識答，但我會請爸媽上互聯網或去圖書館搵答案，這令人感受到孩子能虛心學習，並跟資訊科技有接觸，都是好的回答。」

 

小一面試熱門問題 情景/ 應變題：
 

57. 有一隻螞蟻跌落河叫救命，剛剛有隻蝴蝶飛過，如果係蝴蝶，你會點做？ (如果你係螞蟻，你會點做？）

*#明顯考創意，沒有既定答案，家長平時可以多問小朋友iq題，激發其創意。

 

58. 喺學校見到同學打交， 你會點做？
*#第一時間通知老師或附近的大人，自己唔可以去叫佢哋停止。

 

59. 喺學校見到同學跌倒， 你會點做？
*#通知老師或附近的姨姨，同埋陪佢、叫佢唔好喊。

 

60. 當有緊急時，你可以打邊個電話號碼？

 

61. 我哋幾時需要消防員的幫忙？

 

62. 發生火警要點做？

 

63. 如果你接到陌生人電話，你會點答？

 

64. 如果你喺地上執到 $20， 你會點做？

 

65. 如果你好想得到件玩具，而爸媽不答應買， 你會點做？

 

66. 如果喺街上同父母失散， 你會點做？

 

67. 單獨遇到陌生人，佢仲話請你食雪糕，你會點做？

 

68. 如果父母遲咗接你放學，你會點做？

 

69. 如果你唔小心打爛嘢，你會點做？

 

70. 有一部玩具車，你同細佬都好鍾意，你會點做？

 

呢度睇！➡️🏔️Patagonia 特價區🏔️⬅️呢度睇！


熱門面試問題校長貼士：

張蔚媛校長：「情景題在面試或叩門時常會問及，自己試過在生病時，刻意問女兒『如果媽媽暈倒了該怎麼做？』，例如要打999。此外，告訴孩子遇到情景題就按心意回答，不用怕錯與對，創意答案不會影響面試成果，但突然『靜咗』就扣分了。」

 

小一面試熱門問題︳學術類題目：

由第71至100題的題目，除了是小一面試的熱門題目外，一般連叩門都適用，特別是單獨及小組面試的事例題。

 

呢度睇！➡️⭐agnès b 特價專區⭐⬅️呢度睇！

 

 

71. 少量串字或看圖認中文詞語。

 

72. 朗讀中英文句子或故事書（部分）。

 

73. 讀英文生字，較熱門是水果或顏色。

 

74. 辨別顏色，要求將指定顏色的圖案，從圖畫中指出。

 

75. 個位數加法，如：3個檸檬加4個梨，共有多少個水果呢？

 

76. 雙位數加法，如：30 + 7

 

77. 連加法，如：6 + 3 + 2

 

（圖片來源：資料圖片）

 

熱門面試問題校長貼士：

張蔚媛校長：「某類型小學會考paper，以上都是很基本的學術題目類型，家長平日可適度讓孩子做些練習。」

 

小一面試熱門問題︳進階題：單獨面試時常見問題：
 

78. 於兩幅圖畫中找出相同 / 不同之處。

 

79. 於圖畫中指出物件之間的關係，又或不合理的地方。

 

80. 讀出圖畫中某些人物或物品名稱，如特首或八達通。

 

81. 你認識哪些名人？

 

82. 向孩子連續展示多幅圖畫，然後問圖畫之間有甚麼關係。

 

83. 請孩子講出圖畫中特定物件的中、英文名稱。

 

84. 展示相片，請孩子指出如太陽在哪裏？沙灘上的人在做甚麼？

 

85. 請孩子即場畫一幅畫，然後圍繞該圖畫發問。

 

86. 唱一首普通話 / 英文 / 廣東話兒歌。

 

87. 邀請孩子描述面試地點的環境 / 物件。

 

88. 你考到或派到哪間小學？（叩門必問）

 

（圖片來源：資料圖片）
 

 

 

熱門面試問題校長貼士：

張蔚媛校長：「來到這階段，孩子的manner更重要。我們會特地讓準備面試的學生，學習敲門、開門、關門、打招呼、拉櫈坐，而且會特地讓他們試坐轆轆櫈（辦公室椅子）或電腦椅，因為孩子平日多坐矮櫈，若遇到這些高櫈便興奮不已，要教導坐定定、不要將椅子校高校低。」

 

（圖片來源：資料圖片）
 

小一面試熱門問題︳小組面試的常見活動：
 

呢度睇！➡️💥Champion 減價專區💥⬅️呢度睇！

 

89. 聽從老師指示，用牙籤砌圖形

 

90. 小組一起做手工

 

91. 一起砌積木

 

92. 合作砌圖

 

93. 一起玩敲打遊戲

 

94. 舉手搶答，問題多圍繞時事或常識，例如誰是特首？

 

95. 一齊睇畫、畫畫，觀察孩子的互動。

 

96. 聽老師指示做動作，例如右手拍左腳。

 

97. 請孩子於白紙的左上角畫三角形、中間畫太陽等。

 

98. 請孩子講故事

 

99. 請孩子輪着唱歌

 

100. 請孩子互相評價所畫的圖畫。

 

（圖片來源：PhotoAC）

 

熱門面試問題校長貼士：

鄧雪堯校長：「預早告訴孩子，有機會跟不認識的小朋友一起做任務、玩遊戲，過程中要保持禮貌。」

 

「機會永遠留給有準備的人」，祝各位好運！